FACEBOOK ACOUNT RECOVER NA DAH

Facebook account liata rairuna âtyhpa eima y tyh. Adahtlâpipa ta eimâ sohsi lei vâta nata diathlâ vâta chhao a châ thlyu aw. Chaváta nohro nâ vaw sohsi via nawpa ta  Recovery option nano nanopa he âvaw chu ma y.

- Mobile number sopa
- Primary email liata  email eima sopa
- Trusted Friends set cheingei pa

He hleikhô ta eima username pahnopasia cheingeipa he a pha

1. Na facebook account ama hacked khiata cha:

a) Nafacebook nâ ngiah tyhna number na pahlei hapa tlyma,mail na hmâh thei leipa tlyma, ama hack na chôta hmâh thei thlàh ha hrala, âboh khao leipa vâta email thiehpa na pahy awpa angiah aw. Email account thiehpa pahy cheingei ma y.

b) Hack account recovery page liata angiah chi ta 'My account is Compromised' tahpa kha na click aw.

c) Facebook nâ ngiah tyhna pa Number/Email/Username/Login Name chhuh enter tyh. Chatanachata facebook ta na account tlua aw ta. Number nata mail he hacker nazy ta ama thla theipa vâta username he pahno awpa a peimawh ngasá ha.. Hacker ta number nata mail avaw thlah hapa a châ khiata cha na account kha hmô leipa ta avaw y thei hra. (For eg: Zuckerberg a facebook profile link cha  https://www.facebook.com/Zuck châ ta. 'Zuck' he a facebook username tahna a châ). Chavâta na username hmâh la, thlai ta a hmô ha aw.

d) chatana chata na password chhuh awpa vaw byuh aw ta, na account ama hack hlâta na password hmâpa kha chhuh pangia ma y.

e) Âdo leipa aw ta, page avaw pahy pa 'Reset my Password' button kha click ma y.

f) Na account ama hack tlyma, na mail nata number kha  na access thei khao leipa a châ khia  'No longer have access to these?' tahpa kha Click ma y.

g) chatanachata na email thiehpa kha chhuh pangia aw chi ta password reset na awpa link na mail thiehpa lia ama chavaw paphao ha bâ aw.

h) Na email liata taotia nawpa dah, guide ama cha piepa hawna lymâ khata tao laih lymá la na recover thei thlâh ha aw.

Na thei leipa a châ khiata la, achô liata  method na hlaochha pathlei hapa chhao ta Account Identification Page lâ angiah la guide hawta na recover thei nata pangiasa âchhih.

2. Facebook Team ta  na facebook account am dormant/disable a khiata la:

a) Na ID Card liata khei hawpa rai kha  scan copy abyuh awpa váta scan la, na mobile/memory card liata soh tyh.

b) ID Card Submit Page liata ângiah la

c) Choose File tawhna khata  mobile/memory card liata na so chizhpa ID Card scan copy kha select  tyh.

d) Ary liata text box liana khata cha account nâ ngiana email/number chhuh pangia tyh.

e) 'Send' button click la â sent khai tawhta information kha apha kawpa ta reih papua la, kha hawna khata na recover aw.

3. Facebook password pahno khao leipa chi ta, Na mail ba hmâh thei khao leipa tlyma, na number hmâtyhpa na pahlei ha khia cha:

a) Facebook login page lia angiah la "Forgot password?" kha click tyh.

b) Na account pahno thei nawpa form kha fill-up la .

c) Email/Number  na account nata na pazaopa/na hmâpa âvaw lâ tita  'No longer have access to these?' kha âtlyh ma y.

d) Na security question set âchhy awpa ta guide hawna khata sie thei lymâ chi ta, Trusted Friends na set chiehpa a chá chhochhi khia cha option chavaw pie aw ei ta, ama baona hmàpa ta na recover thei aw.

Nâ thôkhei cheingei nata kháchá ei hnabeiseih
©châduaTlg