ONLINE TAWHTA PHUSA HLAONA DAH CHI NANO NANOPA ZY

Online tawhta soh hlaona dah thokha zy cha post hmiatuapa la liata reih ha pi ta, atahma cha kao hropa eima chu hei ba awpa chasala. Smart Phone hnei leipa eima sôh kaw bâ. Eima mobile phone liata games nata whtasApp, Facebook etc zy hria chakyhpa ta daihti eima hmâ chakhyh thlâh hapa he a pâhria ngaita kaw. Chavâta eima daihti ruapa liata huhno kawpa ta Internet hmâpa ta sôh lapangiana dah kao nano nanopa zy eima reih awpa châ sala, thokha he cha he blog liata eima palâsa chiehpa zy chhao a châ.

Ahmiatuachaita, System (PC or Laptop) or Smart Phone, Iphone Internet apazaopa na hnei tuachai awpa a peimawh aw. Ary liata eivaw palâsapa zy he na pahâhna kao a châ chhochhi khiata hâta eikha liata $100 na hlao thei aw.

1. UPWORK.COM : www.upwork.com he apachaihpa ta freelancer zy châta taopa a châ. He site liana heta Article writing, Video Editing, App Developing, Coding etc zy rai hria awpa hluhpi a y aw. Pamosana ta  Graphic Design  tlyma, Article writing zy tlyma pahâ kawla, he site liana heta na pahâna kao rai hria awpa hluhpi y ta. Na tao awpa cha Sign Up awpa ngalâh a châ. Liahsa na sign up khai tawhta na pahâpa (rai) kha atlyh aw chita, na rai hria awpa ama chavaw pie aw. He site he Free ta a register theipa a châ.

2. YOUTUBE.COM :  Youtube liata video upload na dah nata sôh hlaona dah he blog liata vaw palâsa ha pi ta.(Youtube tawhta soh hlaona dah) Reih pasia via awpa y tu vei. Na tao awpa y chhôpa cha Channel hnei la, Content pha kawpa hneipa ta Video upload aw chi ta. Subscriber 1000  chô lâ hneipa ta, thla 12 akhô hlâta  4000 watch time a tloh thei khia na video zy kha monetize thei aw chi ta, sôh na hlao ha bâ aw. Cha hawna chata Subscriber  ama pôh via laih lymâ khiata la Paid Sponsorship  hmâpapa ta  sôh hluhpi na lapangia ha bâ aw.

3. AMAZON : www.amazon.com tawhna heta sôh lapangiana kao chi 3 y ta.  A sâkhana liata cha Amazonmturk he a  châ. He liata na tao awpa  Audio nat Video hmâpa ta Amazon Product reih chi nano nanopa ta palie (translate) pa zy, Testing web page nata reviews ropa zy nata hmo hropa hluhpi zy a châ. Na rai hria dah reizie ta dawkha chhôh ta $20-30 zy na hlao thei. Asânona liata cha Amazon kindle publishing  he a châ. Ahmiatuachaita cha châbu ro pahâ kawpa na châ  chhochhi khiata cha, châbu ropa ta (nâma na roh leipa chhaota chyhsa hropa na parosa thei hra aw) na upload aw. Na châbu ropa cha Amazonkindle Publish zy ta chavaw publish pa ta ama chavaw zuapa aw. A sâthôhna liata cha Amazon Affiliate Program he a châ. Na taoawpa cha Amazon Associates Program liata Sign Up chi ta,  Amazon Product chi nano nanopa zy na zuah aw tahna a châ. Na dah n’awpa cha na register liahsa tawhta Referral link (code) chavaw pie ei ta, kha  link kha na website liata tawhpa ta, na website tawhta navaw zuah aw. Na site liata Amazon product kha chyhsata vaw click pa ama vaw chalei khiata cha ama product na zuana mâ tawhta na  Commission mâ 5%-10% na hlao aw. He eima reipa sâthôhpa zy he phusa ama chavaw paphao nawpa dah nata, na hlao nawpa dah ama website liata âkicho kawpa ta âroh khai thlâh ha.

4. CLICK BANK : www.clickbank.com  siezie he Amazon Associate Program nata âlyu daihmâ ta. He site liata na register khiata cha ama digital product zy zuah (commission) pachhuah awpa atlyh aw chi ta. Na blog, website siepahliepa ta na  zuah pachhuah aw. Sôh hlaona dah he Amazon hlâta âthôh via. A register la vaw taopachhitua ma y.

5. FLIPPA : www.flippa.com he number 1 market place, hmo zuana nata chaleina su a châ. He site he Ebay nata asiezie chhao âlyu daihma. He site liana heta a register ha tua awpa peimawh ta. Na hmobaoh zy na zuah thei aw. Mobile Apps nata Website tao lâchhâ athai kawpa na châ chhochhi khia cha Apps na taopa nata Website zy kha he site liana heta na zuah thei aw. He leipa chhaota tao awpa nata hria awpa hluhpi y ta a register ha tuama y.

6. SHUTTERSTOCK : www.shutterstock.com he Digital Media. Platform pha kawpa châ ta. He site liana heta nothlapa upload thei aw chi ta, na download thei hra aw. Anodeikua na tao awpa cha nâ register ha tua awpa a peimawh. Nothla la (Photography) or Painting etc lâchhâh pahâh kawpa na châ khiata cha, he site liana heta na nothlahpa lapa nata ropa zy upload pa ta zuahpa ta, na nothlahpa zua hluna reizie ta sôh na hlao aw. Anodeikua na nothlapa kha HD a châ awpa a châ. He leipa chhao tan a music taopa zy taihta na zuah thei aw. Ataotiana dah kichopa cha ama site liata âkicho kawpa ta palâsapa a châ. Freelancer zy châta cha platform pha kawpa a châ.

7. TAKELESSON : www.takelesson.com  he website liata cha na thaina kha chyhsa hropa na pachu pachhuah aw tahna a châ. Website liata a register ha  tua aw chita,  pamosana ta  Mathematics thai khawpa na châ khiata cha nâ tlyh aw. Atlyh aw chita, Online hmâpa ta chyhsa na pachu bâ aw tahna a châ chu. Na pachu awpa cha ama chavaw pie aw. Cha hawna chata Piano tô dah zy, beihchho dah zy, Article etc rona dah zy na pachu pachhuah aw tahna a châ.  He napachupa zy tawhta fee hluhpi na dao thei chyhsa pakha na pachuna liata dawh 1 chhôh ta $120 zy na hlao thei hra. Ama  website liata akicho kawpa ta taotia nawpa dah palâsapa a châ.

8. FIVERR :  www.fiverr.com liata nâ register khiata cha  rai hria awpa nâ tlyh awpa y ta. Logo Design zy, Animation tao zy, social media design etc hluhpi atlyh awpa y ta, na raihriapa a hluh rei zie ta $5 - $100 nohkha ta na hlao thei aw.