YOUTUBE TAWHTA SÔH HLAONA DAH KAO

YouTube liata Video Upload thei awpa ta cha Channel hnei ha tua awpa peimawh ta, sôh taopapua awpa chhao ta a byuh pyly hra. Chavâta Youtube Channel taona dah eimâ chu awpa châsala.

Ahmiatua ta Google Account na hnei ha tua awpa peimawh ta,  na hnei leipa chhao ta na taochhy thei aw. Google Account hneipa zy châta  Youtube liata account hnei hei awpa peimawh ta, youtube account eima tahpa he thokha ta cha channel zy chhao ama tah hra. Anodeikua ananona kao deikua a y. Youtube account ta cha chyhsa hropa zy ta video ama vaw upload pa zy kha Comment pata na Like thei aw. Anodeikua channel na hnei leipa a châ khiata la Video upload thei awva chi.

• Youtube tawhta kheita phusâ eima hlao thei aw?

• Kheita Youtube channel eima tao aw?

• Youtube video tawhta sôh hlao awpa ta khâpa peimawh?

Youtube Channel hnei awpa ta www.youtube.com liata angiah aw chi ta, nothlapa liata palâsapa hawna heta aki chachâh (Right) lâta Sign In tahpa liana khata Click pa ta, na google email nata password chhuh pangia pa ta na sign In aw. You are registered with Youtube avaw tah aw ta, chatanachata, nothlapa liata palâsapa hawna heta akâ chavei lâta Home tahpa ry liata Channel liana khata na click hei aw. He na click khai tawhna heta Channel moh  ro nawpa vaw y aw ta, pamosana tan a channel moh kha OPEN AIR tahpa a châ khia cha Fist Name liata OPEN, last name liata AIR tahpa type pata a ry liata CREATE tahpa kha na click aw. He na click khai tawhta cha Chnnel na hnei ha tahna a châ.

Video chhao na upload thei ha bâ aw. Subscriber 1000 hlei na hnei tawhta na Youtube channel tawhta sôh na pahao thei ha bâ aw. YouTube tawhta sôh la pangia ta, na video zy monetize awpa heta  Google Adsense Account na hnei awpa a peimawh aw.

Anodeikua  YouTube Chennel hneipa zypi ta eima pahno awpa cha, Video eima upload pa rai rai eimâ sosih kaw awpa a peimawh. Youtube Copyright detection (Content ID) Technology he asâh kaw bâ ta. Video eima uplod pa liata  copyright material chi nano nanopa chyhsa ta music ama taochiehpa tlyma, reikah (ao) ama tao chiehpa tlyma, nothlapa kheihawpa rai nata video clip tlyma eima hmah tlamaw tlai khiata cha eima Video liata eima hmâna su nata a daihti second nata minute taihta a detect thei lymâ. Cha hawpa a detect pazy cha copyright hneituhpa pasaina piena dah reizie ta monetize theileipa tlyma, block pa tlyma, monotize thei thlâh ha tlô ta anodeikua sôh âraipa (revenue share) awpa chhao ta a châ thei.  Anodeikua copyright content hnei chiehpa youtube liata upload pa he a tlâhpipata Block or Monetize theileipa ta taopa he a châ via chai. Chavâta video upload na kyh liata âsohsi kaw awpa a châ aw.

 Pamosana ta  ‘Gangnam Style’ Video he  Youtube liata tapôh upload la, sôh hmô thei awva chi.Thlai Youtube tawhta  Notification na dao aw. Video eima upload pa liata music eima soh khopa chhao ta, Youtube Music Policies Page liana khata eima hla hmâ khopa zy hmâ theipa a châ ma, châvei ma tahpa liasa mopasia ta âtlyhpa kha âsu chai aw. Anodeikua, kha hawpa zy chhao kha Description apha kawpa ta reih ta, ataotuhpa khona dah palâsa cheingei awpa zy angiah tyh hra.

Achhâchaina liata cha ei Channel ‘OPEN AIR’ liata Video a ypa zy he vaw moh tyh hra la, maniah vaw subscribe pa hra ma y.