HIAHRINA NATA ACHHYNA

Hiahrina he email nata WhatApp tawhta eidaopa zy chata, thokha hawrawh nama type na dah ei pahnothai leipa zy a ypa vata chavaw chhy thei leipa eina ta nama pachathaina sah chaipa eicha haw ei.

Hiahrina : Ei Mobile Phone lei ha ta, kheita tao awsala eihmô pakhua thei aw?

Admin Châdua : Na Phone pahlei chi ta, switch off â tah ha tlô. Apatutuhpa hrata na SIM hmângâhaipa cha thypa ta SIM Card hropa (number hropa) pataih syulyu ha tlô! Kheita nâ laichadai pazi aw? Mobile eima chalei no heta khei hawpa mobile rai he ta byh (box) achakaih khai ta, thokha pi cha uasa leipa ta eima thy chakhy thlâh ha tyh.  Phone pahlyna byh (box) liana khata na phone châta hmo peimawh kawpa  a y tahpa vaw pahno ha bâ  ma y.

Na Mobile ama chavaw parupa hapa chhaota na phone pahlyna byh kha thlai lapara la, na phone byh liata IMEI number avaw rohpa kha mopasia ma y. Na phone byh liata avaw roh leipa chhao ta Warranty Card liata avaw choh thei hra. Phone na chalei nota IMEI number âchoh leipa avaw châ khiata la thlai complaint pa ta, IMEI number âchohpa cheingei chalei ma y.

IMEI number nata cha CID lâ tlyma, SIM Card zuahpapua tuhpa na lâ tlyma pangai khei aw chi ta, na mobile phone cha âhuahtuhpa/parutuhpa ta SIM Card hropa avaw pataih hapa chhao ta, na phone IMEI ta na Phone Call detail zydua, a noh nata daihti etc taihta avaw record aw. Chavâta na mobile phone avaw lei hapa chhao ta apeimawh chaipa cha Police Station âhnia chaipa liata IMEI Number chhaota FIR pangiapa he a châ.

Hiahrina : Blogspot liata Blog pahy hra nata, Earning tahpa liata Google Adsense he Apply na ta, atahmâ taihta na pyhpa thei vei ei. Kheita tao awsala eina approve thei ei?

Admin Châdua : Ahmiatua ta na  blog liata hmo na post pa zy kha website hropa lâ tawhta copy paste chakhy thlâh hapa a châ ma? Achâ khiata la châ pyh pa awvei ei.  Google Adsense Apply awpa heta regular kawpa ta na  blog na update awpa a peimawh. Theme atlyhna kyh lia chhao ta Blog visitor zy châta ngiaryh chhipa nata pathaipa, mophapa a châ awpa peimawh ta. Apachaipa ta na Blog liana khata Page i.e About us, Contact us, Disclaimer and Privacy Policy page zy na soh cheingei awpa a châ. Tawhtala, na Blog kha Adult Content a châ khia âpyh awvei ei. ( he zydua he vaw tao ha khai ha tuala, pahnochhi khopa na hnei khia Comment Section liata hiahrina âtao thei aw)

Hiahrina : Ei phone he dusaw (Hang) tyh ta kheita tao sala a pha aw?

Admin Châdua : Phone Hang pa taopathina dah cha he blog liata eivaw palâsa ha. Ary liata Link he click la âvaw chu ma y. Phone Hang pa taopathina dah

Hiahrina : Eima nô  WhatsApp bie achhotyhpa zy he kheita ei pahno thei aw. A message daopa nata paphaopa zy pahnotheina dah a y  ma?

Admin Châdua  : A thei vei. Hacking lâchhâ he la hmo pha chaipa châvei, Anodeikua na duasu reizie ta leithei leina vâta peimawhpa na châ khia email chaduatlg@hotmail.com liata hiahrina vaw tao la eimâ vaw chhy aw.

Hiahrina : Ei facebook Account user name nata Password pahno khao leipa nata hmô pakhuana dah a y tly ma?

Admin Châdua :  A y. He blog liata eima post chiehpa a châ. Link he Click la âvaw chu ma y? Facebook Account taopathina dah

Hiahrina :  He hawta Blog na taopa he âthôhna a y ma???

Admin Châdua : Athôhna y leipa châsala eitao ho mâ? Anodeikua, chakaona sâkha hawta pachâpa ta eima tao hnolo lymâ hra he zaw.

(Kha zydua kha Châdua Technology Blog liata hiahrina eima daopa zy châta, Hiahrina tao khopa châta WhatsApp No. 9485107349 liata Hiahrina vaw tao aw chi ta, Pahânoh zâ maih ta eivaw chhy tyh aw)