DAH (LAW) NA PAHNO AWPA PEIMAWHPA

FIRST INFORMATION REPORT

                                                                                                                          -Abie Notlia, Siaha.

F.I.R yzie cha First Information Reporth tahna châ ta, police hnota palôhtlâh leina cha ataotuhpa (Victim) ta tlyma, avyuhpa ta tlyma ta pangia awpa a châ. F.I.R he Code of Criminal Procedure, 1973 ry liata Section 154 ry liata rohpangiapa a châ. He Code ry liana heta vaih chhôh liata dâh paraona case a y khiata cha âhnia chaipa police station liata pahnosa tuachai awpa he zawpi zy eima tao cheingei awpa hmo peimawh kawpa a châ. Police nahzy chata zawpi/mopakha hnoh tawhta ama biedaopa cha case ngâtlâhpa (biedopa) hawta ama pachâ khia FIR he ama tao thei.

AHY TA F.IR. PANGIA THEI

⚖Dah paraona chôchâh pahnopasiatuhpa ahy rai, ataotuhpa (Victim), dah paraona mokhaoh ta hmôtuhpa (eye witness) zy ta F.I.R he ama pangia thei.

⚖Police Officer chhao ta F.I.R. pangia thei ta, (dah paraona chôchâh âkicho kawpa ta a pahno khia)

FIR pangiana kyh liata pahno awpa peimawhpa zy

⚖F.I.R cha police kiapa liata bi eta chhopasiapa ta rohpangia awpa châ ta, police nahzy heta rohpangia (register) lei awpa ama khoh lei awpa pathaih vei.

⚖Police Officer chata FIR cha âkicho kawpa ta aro khai tawhta, FIR tlôkheituhpa hno chata a châropa cha areihpapua hei tua awpa châ ta, a chhâpa cha bie buapa tlôkheituhpa biereipa hawta ropa a châ tlai na tahpa pahnopasia nawpa ta.

⚖Âkicho kawpa ta record khaipa a châ tahpa liahsa pasia khai tawhta FIR pangiatuhpa chata a moh a sign/kupi a chahnao awpa a châ.

Telephone hmâpa ta Statement taopa chhao he FIR hawta âpyh theipa a châ.

⚖FIR cha record pa châ ta, sign nata register pa a châ tawhta, Police nazy chata pangiatuhpa hnota  FIR Copy ama pie awpa a châ. Chatana chata Dah paraona case cha rohpangiapa avaw châ haw.

Police ta FIR vaw Register kho leipa sala zaw?

Officer châna âsâh viapa heh Superintendent of Police (SP), the Deputy Inspector General (DIG) tlyma, the Inspectonr of Police (IG) zy hnota complain âpangia thei.

Na complain cha ropa ta Police (SP) hnota pangia thei chi ta, na complain cha a serious kawpa a châ khiata cha SP chata ano ta tlyma ama department tawhta mohropa tuahpa ta achatlie kawpa ta hmah ala aw.

Mopakha chhao ta Judicial Magistrate hnota ropa ta complain cha âpangia thei hra.

Source:  Legal Literacy Project.  Prepared by e-governance Service India Limited.