Mobile phone hang (âtawpa) he android phone ahmâtuhpa zy hry liata rairuna maniah tlôkheituhpa âlâluah kawpa sâkha a châ thlyu aw. He hawpa phone hang pa vâta sôh hluhpi ahryuhpa chhao eima y. Anodeikua phone he a pha kawpa ta eima mohôh thai khiata cha na ai ngâna taihta tlyupa ta na hmâ thei aw. Chavâta ary liata phone mohôh nawpa dah he avaw chu la vaw tao ma y.
Ary liata Phone mohôh nawpa dah zy he apha kawpa ta na zyh khia cha na phone flash byuh leipa awta, sôh hluhpi na hryuh nawpa na khókhá thei aw.
1.APPLICATION REDUCE : Phone zydua heta ‘ limited amount of Memory phone ta a pahniena rakha, memory(RAM) hnei chyu ei ta, na phone ta a pahniepa khô lâ apps tlyma file tlyma na khô (Install) khiata cha na phone kha a hang aw, cha hleikhô ta phone kha padusaw sa aw ta,a function na dah rai rai kha abua pathao ha bâ aw..Cha hawpa pachhâsa awpa ta cha ‘Applications (apps) na hmâ phahnai leipa zydua kha uninstall khai ha ma y. Na khoh khiata cha uninstall cheingei leipa ta,settings lâ ângiah aw chi ta. apps lia angia hei la, na khopa apps atlyh la, ‘stop ‘ tahpa kha click la, function khao awvei, na hmâh khoh daihti ta change thei chita, arai chhao nao viata a pha via ngyuthei.
 |
| Châdua Technology |
2.APPLICATIONS UPDATE : Na phone liata application zydua kha hâta eikha liata eikha lymâ update ma y. update daihti he pahno aru pa váta na phone cha tomatic update ta soh la, a nokho ta mobile app developers ta version thiehpa a taopa zydua avaw update lymâ aw. Chyhsa hluhpi ta cha application update he tao na châh pahno tyh leipa pi ta, châhrasala ,version thiehpa update awhpa tao lymâ ei ta he nazy heta phone memory ama pa tlyuh hleikhô ta,phone CPU power châta pha viata,Version thieh viapa mai he a pha.
3.RESTART :Na Phone cha hâta eikha liata ei 3 chhâ ‘ Restart’ tyh ma y, he hawta na tao tyh khiata cha na phone liata data peimawh leipa vaw y tyhpa nata hmo hropa phone châta phahnai leipa vaw y tyhpa kha lei aw ta. phone memory chhao ta âhua khei via bâ aw. He heta na Phone hang awpa avaih aw.
4.REMOVE BATTERY : Na phone kha battery phia theipa chi a châ khiata la thlakha liata eikha chhâ thlo tyh ma y.cha haw pyly ta sim card nata memorycard chhao na thlo hra aw.He heta phone ‘electric touch point' khatinoraita rai hria thláh hapa na kha chalihsa ta, khaw thokha thatlô leipa tha a patlôsa hleikhô ta, hmo phahnai leipa phone liata a y penawh zy a pahlei khai ha tyh. Battery phia thei leipa chi na hmâh khiata deikua memory card nata simcard phia la,’Restart’ pa kha âdaih kaw.
5.MEMORY CARD HMÂ PHAHNAI AWPA: Phone memory (Ram) cha khatlu ta hmata asâh hrasala,memory card(SD Card) liata file soh lymâ pa tluta pha pa yvei. Na application nata file hnei pa zydua cha memory card lâ pasie lymâ la. Na phone hang awpa thata avaih hleikhô ta phone tha a patlôsa tyh.
6.DELETE DATA : Phone function a dusawna chhâpa nata a hang na chhâ chaipa sâkha cha data delete/clear lei vâta a châ. Apps data na clear tyh leipa achâ khiata cha application MB kha âsâh via laih lymâ aw ta,apps na hnei hluh chhochhi khiata cha application thiehpa hluhpi download theina data pha leipa nâ vao thei. Na phone cha reileipa ta liata a hang leipa chhaota, a dusaw via laih lymâ aw.Chavâta application data kha clear tyh ma y.
7.INSTALL ANTI- VIRUS : Na phone liata virus hluh tupa vâta na phone system pabua thei ta, a pa hang sa thei.Anti- Virus app na hmôpa maih Install chakhyh leipa la.Google play store ta star 4 ama piepa chô lâ he hmâh awpa.
.8.WHATAPP FILE : Whatsapp liata na file paphao papuapa,video,photos,Audio etc zydua kha a eih ta khâhma phahnaina y leipa ta whatsapp media file liata ama y ngathlâh ha tyh pangiasa leipa pi ta phone memory pa full sa tyh ei ta ‘ hang ‘ para tyh. Cha hawpa khókhâ awpa ta cha WhatsApp media file check la , na delete khai ha tyh aw. Na Phone memory liata original a y khai thláh hapa vàta i âchhih vei.
9.RESTORE FACTORY : Phone hang’ pachhâsana dah pha chaipa cha Restore Factory he a châ. Anodeikua, na phone liata file peimawhpa zydua ,apps nata contacts a lei khai ha aw. Alei lei nawpa ta memory card lâ pasie khai ha la,chatanachata, memory card nata sim card phia aw chi ta ’Restore Factory‘ na tao aw. Na phone cha a thiehpa haw tlai ta avaw tlô ha bâ aw.
