Tlaikao Phopi Hmiatô Py, Mizo National Front zy chhao ta eima hmiata liata atlyhna avaw y awpa liata ama Py (party) official candidate zy ama phuah aw. MNF nazy heta Siaha nata Pala Bia liata chhao Candidate 2 Dr K.Beichhua nata M.Chakhu zy ama hnei.
Ama thâtih chyupa he duah vaw reih hra tua ma y.
SIAHA MLA CONSTITUENCY MNF OFFICIAL CANDIDATE DR.K.BEICHHUA
Dr. K.Beichhua he kô 1966, December noh 12 pa liana khata Thosaih khih liata vaw pih ta. Unawh chapaw 3 nata sietanó pakha a hnei. Siaha Bazar Vaih liata ama pahrâ ngâhai.Dr Beichhua he thaina làta MBBS châ ta, Lairam Kristian Medical Centre Lawngtlai liata Medical Superintendent-ta kô 3 hria ha ta. All Mizo Medical Student Union-liata President nata Vice President châna vaw patu chiehpa a châ. Mara Thyutlia Py, General Hqrs liata kô 5 President avaw châ ha hra. Kô 16 chhôh Thohna-O nano nano pa liata Medical Officer rai avaw hria ha. Awnanopa lâ liata Dr Beichhua he Evangelical Church of Maraland, Siaha Bazar Local liata Khichhôh Machà achâ ngâhaipa a achâ.
 |
| M.Chakhu nata Dr.K.Beichhua |
PALÂ MLA CONSTITUENCY MNF OFFICIAL CANDIDATE M.CHAKHU
M.Chakhu he 1978 liana khata Tisi khih liata Puhpa Jeff M.Sanga nata Pihnô S.Pawchi(L) zy likah liata vaw pih ta, ama unawh zy hry liata a uhthei chaipa a châ.T Aizawl Upper Khatla-liata ama O liata pahrá ngâhai ei ta. Âchuna (thaina) lâta M.A (Hist) a châ. M.Chakhu he ECM Higher Secondary Siaha-liata 10+2 teacher-ta kô 5 rai vaw hria ta, Lawngtlai DRDA-liata Programme Officer-ta kô 2 chhôh avaw hria ha hra. Kô 2009-2013 chhôh kha Cabinet Minister Puhpa S.Hiato, Pvt Secy ta avaw hria ha hra. Àchuhaipa py liata âhmâh tyhpa châta kô 2002 -2005 chhôh liana khata Mara Students Organisation, General Hqrs-liata President term 2 patu ta. Kô 2017 tawhta MTP-Hqrs- liata Executive member a châ.
About me Click Here
About me Click Here
0 comments:
Post a Comment