MICROSOFT OFFICE 2007 TUTORIAL

Atahmâta eimâ chu hei hawpa cha Microsoft Office Word 2007  (Office 2007) a châ. He software he châ chhuhna tah ei sihla rei chhei thlyu mapi. Atahmâ ta eimâ chu tuachai awpa he Beginner  zy châta a châ aw. Hiahrina nata pahno pasia khohpa châta cha Comment Section liata hiahrina tao thei pa a châ.

Step 1 : Ahmiatua chaita na compute ON chi ta, Start Menu liana khata Click awh chita Microsoft Office tahpa kha na click aw. Za moh lai aw chita Microsoft Office Word 2007 tahpa kha double clik chi ta, na pahy aw.

Step 2 :Microsoft Office Word 2007 cha avaw pahy aw ta. Na tao tuachai awpa cha kheihawpa paper size ma na hmâh aw, khei hawpa paper size liata ma na print aw tahpa khan a pahno awpa peimawh ta. Chavâta na paper hmâ awpa cha A4 vaw châ hasala. Ary liata nothlapa palâsapa hawna heta na na tao aw.  Achô lâ liata Edit Menu a ypa ( Home, Instert, Page Layout, Reference etc) tahpa zy vaw y ta, kha liata Page Layout tahpa khan a Click aw. (na click khai tawhta nothlahpa liata palâsapa hawna heta avaw lâ aw ta) Margin, Orientation, Size, Columns tahpa zy liana khata Size kha click chita A4 nâ tlyh aw. (Size liana heta page size na khopa maih nâ tlyh thei aw.

Page Size/Paper Size liahsa nâ tlyh khai tawhta châ chhuh kho ha chita, na peimawh chaipa cha Hawrawh palai dah zy, hawrawh (fonts) thlana dah zy etc a châ bâ aw.

Step 3 : Châ chhuna  window liana khata Mouse Pointer kha eikha za click aw chi ta, na bie khopa maihta na chhuh (Type) thei aw.

Châ chhuh(type) tyh penawh zyta hawrawh eima hmâ via chaipa fornt cha Times New Roman he châ ta. Hawrawh size laina lâ he a tlâhpipa ta 12 eima hmâh tyh. Chah cha khataih tawhta eimâ tlyh aw tahpa eima rei hei tua awpa châsala.

Ahmiatuachaita, Edit Menu liata Home tahpa kha click aw chita, nothlahpa liata palâsapa hawna heta hawrawh atlyhna (font) nata size avaw y aw. Kha liana khata hawrawh style chi nano nanopa atlyh awpa vaw y awta, na kho chaipa kha click pata na hmâh thei aw. Cha hawna pyly hrata na hawrawh size chhao akâ ta liana khata atlyhna su vaw y aw ta, eikha click pata nâ tlyh thei hra aw. Liahsa nâ tlyh khai tawhta châ na chhuh thei ha bâ.

Step 4 : Bold, Italic, Underline, zy he kheita eihmâh aw? Ahmiatuachaita na châ chhuhpa (type pa) kha mouse ta na select aw. Kheita na Select aw. Na mouse kha pathlie leipa ta  right click chita, hawrawh dady liana khata na pasie aw. Cha khai tawhta avyhpa na avaw highlight ta. Achô lâ liata B I U   symbol avaw ypa hry liata B kha na click aw. He haw pyly heta Underline nata Italic chhao na hmâh hra aw.

He rakha he atahmâ châta vaw châ chysala, next liata eima pazao hei aw.

Click Here to Download

Microsoft Office 2007 Free Download